星期日因為教會朝早有主日學0既關係，我地一班FLC buddies要9:30前入到net cafe，不過好彩Gladys醒目，叫我地9點好入到net cafe, just in case有人會早到。果然，9點鐘真係有小朋友到!! 好彩有Gladys提醒，如果唔係我地d訓覺look就會嚇壞d小朋友。
主日崇拜，麥牧講返約書亞帶以色列人過約但河，但係technical上有問題，攪到最精彩0既power point睇唔到，好彩我之前有睇過。因為今日係母親節，所以教會安排左小朋友送小禮物比在場0既母親，成個team得咖哩可以同佢媽咪一齊過。
食完個lunch，又要為當日0既聚會rehersal，心情有點矛盾，一方面開心因為可以事奉神，另一方面有點失落因為今場聚會係我最後響Houston 0既一場。我比足曬全力去唱，唱到「只因愛」d眼淚又忍唔住流出黎，無辦法啦...神0既愛真係太偉大。我諗唱左5年ACM眼淚流得最多應該係今次啦，整場聚會令我最感動0既一刻應該係到最尾大家一齊唱「你是王」0既時候，真係唔想比音樂停，只係想停留在那一刻。當晚有11個人信主，其中一個係我地食飯時同我地分享完之後信，感謝主!!
今晚有教會0既弟兄姊妹同我地去唐人街食宵夜，一行廿人去左食意大利棉棉杯，我食左個榴槤味同芒草味。食完就返教會同所有FLC buddies影畢業相同排舞，完全係一個crazy night，攪到我唔想訓覺，唔知幾時再可以一齊事奉?
No comments:
Post a Comment